كورني باللوز

المقادير:

500غ لوز
270 غ من السكر كلاصي
2/1 كأس زبدة مدابة
3 معالق حساء من ماء الزهر
العجين :
500غ دقيق
40غ سكر كلاصي
40غ زبدة
2/1كأس ماء زهر
قبصة ملح
ماء لجمع العجين
التزيين :
بياض بيضة
لوز مسلوق ومهرمش

الحشوة :
نسلق اللوز ونشفوه ونخلوه ليلة كاملة بعدين نطحنوه مع السكر في الطحانة كهربائية
في اناء نعمل اللوزالمطحون مع الزبدة المدابة وماء الزهر والمستكة نجمع العجينة جيدا نعمل من العجين كويرات تم نشكلهم على شكل كورني ونتركوهم لغاية وقت الاستعمال
العجينة :
في اناء نعمل الدقيق المغربل نجوف وسطه ونحط فيه الزبدة المدابة والسكر كلاصي والملح وماء الزهر ونضيف الماء لجمع العجينة نعجنها جيدا حتى تكون لمساء نعمل منهم كويرات ونغطيهم يرتاحوا بعدين نبسطهم بالدلاك لنحصل على عجينة رقيقة جدا نقطعهم على شكل قرص 8 سنتميتر عرض بمقطع مسنن ندهن القرص ببياض البيض ونحط عليه عجين اللوز ونلفوه عليه لاعطائنا شكل كورني نكمل كل العجين والحشوة على نفس الطريقة ونشكلهم بمنقاش مسنن ونتركهم ليلة كاملة ونغمسوا رؤوسهم في بياض البيض ومن بعد في رقائق اللوز أو لوز مهرمش و نحطهم في صفيحة الفرن المدهونة بعدين ندخلهم الفرن ينضجوا 15 دقيقة ونقدموهم